"Қалалық емхана №4"

Шымкент қалалық №4 емханада туберкулез дертіне мониторинг жасау бойынша семинар өтті. Онда жыл басынан бергі 4 айдағы мониторинг жұмысының нәтижелері талқыланды.

Емхана қызметкері Феруза Қонаева туберкулез аурушаңдығы бойынша баяндама жасаса, фтизиатор Жамалбек Байдеуов төрт айда жасалған Манту сынамасының мониторингінің нәтижелері туралы айтып берді.

Бұған қоса №4 емхана бас дәрігерінің орынбасары Дина Абдрашитқызы семинар барысында медициналық әлеуметтік сараптамаға жолдау кезінде анықталған ақауларды талдау жүргізді. Семинар соңында дәрігерлер тақырып аясында өзара тәжірибе алмасып, сұрақ-жауап түрінде өрбіді.

Айта кетейік, туберкулез әлеуметтік маңызды дертке жатады. Оған дер кезінде диагноз қойып, дұрыс емдеу – өте маңызды. Аурудың алдын алудың бір жолы – вакцина алу болса, оған қоса дұрыс тамақтану мен салауатты өмір салтын ұстану да аса маңызды.