ScreenReader 
Шымкент қалалық №4 емханада кезекті медициналық семинар өтті. Емхананың бас мейірбикесі Надежда Тұрғанбаеваның жетекшілігімен аға мейірбикелер Салтанат Жарбақұлова және Дина Иманбердиева ұйымдастырған семинарға күндізгі стационардағы және ем-дом көрсетуші мейірбикелер қатысты.
«Парентеральды дәрі-дәрмек заттарын енгізу» тақырыбындағы семинарда мейірбикелер Салтанат Жолдасбекқызы мен Дина Сәрсенбайқызы бұлшықетке ине егу іс-әрекетінің алгоритмі, көктамырға ине егудің алгоритмі туралы баяндама жасады. Бұған қоса семинарда кейбір адамдарда ине егуден кейін болатын асқынулар мен ондай келеңсіздіктер орын алған жағдайда орындалатын әрекеттер талқыланды.
Жалпы, мейірбикелер емхананың тәжірибелі қызметкерлерінен пайдалы мәліметтер алып, өзара тәжірибе алмасты. Семинардың соңы сұрақ-жауапқа ұласты.
